Љубовната приказна на Симона Калица и Горан од Битола: „Некои љубови не доаѓаат како гром од ведро небо, туку тивко“

И токму во тоа е магијата на љубовта – не во моментот кога ќе препознаеш некого, туку во времето што ќе ти покаже дека покрај таа личност се чувствуваш како дома.

По доста кратко време ние почнавме да градиме и заеднички живот, така што тоа беше тоа.

Нашите први средби имаа вкус на авантура. И двајцата сакаме да патуваме, па наместо класични состаноци, често знаевме да „киднеме“ некаде, макар и на кратко.

Не беше важно дали дестинацијата е далечна или сосема блиску, низ тие мали бегства создававме спомени, а најубавите приказни започнуваат токму тогаш кога едноставно ќе одлучиш да тргнеш.

На тема: „Кој е поромантичен - јас или тој?“,  сметам дека романтиката не се мери со тоа кој е поромантичен, туку со тоа колку љубов има во малите, секојдневни моменти.

Најубавите романтични гестови се токму оние што доаѓаат спонтано и се направени со многу внимание. Не се секогаш големи изненадувања, туку мали нешта што покажуваат дека навистина се познавате и се грижите еден за друг.

Токму тие искрени и ненаметливи моменти се оние што остануваат најдолго во срцето.

Дали сме заедно месеци или години... можеби и не е толку важно. Кога покрај себе ја имаш вистинската личност, времето добива поинакво значење.

Понекогаш некој може да влезе во твојот живот и за кратко време да ти стане толку близок, како да сте поминале цел живот заедно.

Не се бројат деновите, туку спомените, чувството на мир и сигурност и сите оние мали моменти што тивко ја создаваат нашата голема љубовна приказна“.

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело