Стефана направи македонска традиционална свадба со Нигериецот Лаурел: „По грешка дојде со влечки, ги знаеше сите наши ора“

Детали

петок, 03 јули 2026

„Еден од најинтересните моменти беше нигерискиот обичај да се „купи невестата“. Кај нив тоа се прави со фрлање пари на подот, а ние го споивме со македонските обичаи, па сопругот мораше да фрли цел куп банкноти пред вратата за да ја „добие“ невестата и да му отворам“, вели Стефана Нисиќ Ебходагхе (30) за свадбата со саканиот Лаурел.

Стефана Нисиќ Ебходагхе (30) oд Македонија и Лаурел Ебходагхе од Нигерија заедно се веќе 4 години, од кои во брак се 3, а го имаат и 2-годишниот син Киан.

Сепак, сега (јуни 2026-та), тие направија свадбена церемонија и во Македонија. Првата свадба им се одржала во Дубаи.

Тие снимаат забавни интервјуа од своето секојдневие и објавуваат на нивниот ТикТок профил.

Стефана споделува детали за нивните свадбени церемонии:

Како те запроси?

Ме запроси на плажа во Дубаи, а во целата организација му помогнаа моите најдобри другарки. Искрено, немав апсолутно никакво сомневање дека тој ден ќе ме запроси.

Сè изгледаше сосема обично, а потоа следуваше најубавото изненадување во мојот живот.

Сè беше совршено организирано и тоа е момент што ќе го паметам засекогаш.

Каква свадба имавте?

Имавме две свадбени прослави. Првата беше во Дубаи, заедно со нашите пријатели од Македонија и Нигерија.

Бидејќи доаѓаме од две различни култури, ни беше многу важно во нашиот ден да ги испочитуваме и македонските и нигериските традиции.

Еден од најинтересните моменти беше нигерискиот обичај да се „купи невестата“. Кај нив тоа се прави со фрлање пари на подот, а ние го споивме со македонските обичаи, па сопругот мораше да фрли цел куп банкноти пред вратата за да ја „добие“ невестата и да му отворам. Атмосферата беше прекрасна, а сите гости навистина уживаа.

Но, најсмешниот момент беше што од возбуда заборавил да ги облече свечените чевли. Стигна во елегантен костум и во влечки!

За среќа, чевлите му биле во автомобилот. До ден денес тоа ни е една од најомилените анегдоти од свадбата.

Ги знае ли саканиот македонските ора? Какви традиции имавте?

Да, и тоа одлично. Искрено, понекогаш мислам дека ги игра и подобро од мене.

Бидејќи живеел во Турција, лесно се вклопи и брзо ги научи македонските ора.

Продолжува на следната страница...