Објавен новиот трејлер за „Игра на троновите“ - Какви тајни открива?

Со само уште речиси месец и половина од емитувањето на првата епизода од 6-та сезона, конечно можеме да погледнеме неколку детали од тоа што ќе се случува во новата сезона на „Игра на троновите“.

Сè уште ги немаме книгите кои можат да ни помогнат да откриеме што ќе се случува, но од новиот трејлер имаме прилика да откриеме неколку интересни работи.

Трејлерот започнува на тој начин што нè воведува во најголемото прашање кое остана да нè мачи во 5-та сезона - Дали Џон Сноу навистина е мртов?

Брод со симболот на куќата Мартел плови кон Железниот престол и можеме да претпоставиме дека на него се наоѓа Џејми Ланистер заедно со мртвото тело на неговата вонбрачна ќерка...

Денерис Таргеријан можеме да ја видиме како се движи заедно со илјадници Дотраки како погледнува кон џиновска статуа што не наведува да претпоставиме дека оди кон Ваес Дотрак.

Што ќе се случува на 24-ти април?

Н. Г. | Црнобело