„Зошто жените убиваат?“ и уште 5 одлични серии кои ќе ве остават без спиење

Одвојте си доволно слободно време, тоа е советот што го имаме за вас уште на самиот почеток. Овие ТВ серии целосно ќе ве обземат и нема да можете да сопрете со гледање додека не стигнете до последната епизода.

Што може да започнете да гледате уште денес?

Why Women Kill

Три жени, три различни декади. Заедничко? Сите во одреден период од животот живееле во истата куќа и нивните мажи кријат огромни тајни од нив.

Бет Ен живее во ’60-тите години и практично е дефиниција за послушна домаќинка. Симон е џет сетер која живее на висока нога во текот на ’70-тите години. И конечно, во 2019 година ги имаме Тејлор и Илај кои практикуваат „отворена врска“… што ќе се случи со сите овие различни парови?

Sex Education

Отис е речиси незабележлив во неговото училиште. Тој го има најдобриот другар покрај себе, хомосексуалецот Ерик, и неговата мајка дома.

Доктор Џин Милбурн е експерт за секс… што прилично многу му го отежнува животот на Отис. Сè додека не добие брилијантна идеја. Да им дава сексуални совети и насоки на неговите соученици.

Locke & Key

Тројца браќа и сестри по убиството на нивниот татко се селат имот наследен од нивните предци. Таму ги откриваат магичните клучеви на нивниот нов дом. Но, истовремено започнува и борбата против злобно суштество кое ги сака клучевите и нивните моќи.

The Witcher

Џералд од Ривија, осамен ловец на чудовишта, се бори да го најде своето место во светот во кој луѓето честопати се покажуваат повеќе злобни ѕверови.

You

Со завршени две сезони и третата на повидок, запознајте го Џо – харизматичен, интелигентен млад човек за кого вљубувањето е сериозна работа. Толку сериозна што може да води кон посесивност, следење и насилство.

Fleabag

Серијата е завршена со вкупно 2 сезони кои го следат животот на младата девојка чие име не се споменува никогаш. Таа закрепнува по смртта на својата најдобра пријателка, обидувајќи се да го одржи во живот кафулето кое го отвориле заедно.

(О)Милена | Црнобело