Најпопуларните ситком серии што ќе ви го исполнат слободното време

Malcolm in the Middle (2000 – 2006)

Слично како That ’70s Show, главните ликови се деца, но оваа серија дефинитивно е за возрасни. Главниот лик, Малком, има двајца браќа, а сите заедно важат за најлошите деца во соседството.

Оваа серија можеби најреално прикажува како изгледа животот со три машки деца и многу ниска плата.

Rick and Morty (2013 – )

Ова е можеби најпопуларната серија помеѓу помладата публика и стана вистински феномен уште пред да заврши првата сезона.

Рик е научник и можеби најпаметниот човек во универзумот, кој се вселува со семејството на неговата ќерка. Заедно со внук му, 14-годишниот Морти, тие одат на секакви авантури, низ многу различни димензии и реалности.

Иако на прв поглед серијата изгледа наивно и детинесто, обработува интересни и комплексни теми што ќе ве натераат да размислувате.

The IT Crowd (2006 – 2013)

За жал, оваа серија има многу малку епизоди, но ќе уживате во секоја од нив.

Главните ликови се Морис и Рој кои се техничка поддршка во една фирма и воопшто не сакаат други луѓе. Во канцеларијата му се придружува и Џен, која станува раководител на нивниот оддел и покрај тоа што не знае буквално ништо за информатика.

Futurama (1999 – 2013)

Ова е анимирана серија, сместена 1000 години во иднината. Главниот лик, Фрај, случајно завршува во машина за хибернација и се буди дури во 3000-та година. Набрзо сфаќа дека светот што го знаел одамна исчезнал и сега мора да се адаптира на животот во иднината.

Серијата изобилува со безброј референци, чудни изуми, уште почудни ликови и навистина интересна визија за иднината.

https://www.youtube.com/watch?v=0rY0HJT_CvM

Two and a Half Men (2003 – 2015)

Во оваа серија се чини како Чарли Шин да се глуми самиот себеси – тој е успешен композитор на музика за реклами, има куќа на плажа во Малибу и е вистински женкар. Еден ден кај него доаѓа брат му Алан, кој нема среќа ни во љубовта, ни во професионалниот живот, и останува да живее со него. Со Алан се вселува и неговиот син, 10-годишниот Џејк, и Чарли се обидува да се приспособи на новиот начин на живот.

Спирова С. | Црнобело