Badel Masterclass ги поканува вештите бармени на предизвик за главна награда од 30.000 евра

Престижниот натпревар Badel Masterclass ги повикува сите вешти бармени од Македонија, Хрватска, Словенија, Србија, Црна Гора, Босна и Херцеговина да се приклучат на најголемиот регионален предизвик за парична награда од 30.000 евра и титула Master of Mixology.

badel-masterclass-gi-pokanuva-vestite-barmeni-na-predizvik-za-glavna-nagrada-od-30000-evra-04.jpg

Организаторите Бадел 1862 велат дека овој возбудлив настан е повеќе од само натпревар. Целта е да се негува една силна заедница на страсни коктел мајстори кои преку споделена размена на знаење градат трајни пријателства, се инспирираат еден со друг и колективно ја слават својата љубов кон миксологијата.

badel-masterclass-gi-pokanuva-vestite-barmeni-na-predizvik-za-glavna-nagrada-od-30000-evra-01.jpg

„Освен богатиот награден фонд, нашиот натпревар е создаден да инспирира и мотивира приклучување на заедница на страсни бармени. Ние веруваме во моќта на споделеното знаење, пријателството и славењето на креативноста која е својствена за оваа професија“, велат од тимот на Бадел 1862.

badel-masterclass-gi-pokanuva-vestite-barmeni-na-predizvik-za-glavna-nagrada-od-30000-evra-02.jpg

Домаќините на настанот и членовите на стручното жири се харизматични и искусни миксолози кои ќе ги водат натпреварувачите низ низа возбудливи предизвици, тестирајќи ги нивните вештини, приспособливост и креативност.  

Пријавувањето е веќе отворено на веб-страницата Badel Masterclass и ќе трае до 16 февруари. Сите полнолетни кандидати кои живеат во Македонија, Србија, Хрватска, Словенија, Босна и Херцеговина треба да се пријават во нивните земји, а на конкурсот во Белград може да се пријават кандидатите од Црна Гора.

badel-masterclass-gi-pokanuva-vestite-barmeni-na-predizvik-za-glavna-nagrada-od-30000-evra-03.jpg

Покрај паричната награда од 30.000 евра, највештиот и најкреативниот бармен ќе има можност да стане амбасадор на брендот Бадел. Второнаградениот ќе добие 4.000 евра, а на третопласираниот ќе му биде доделена награда од 2.000 евра.

Возбудливиот натпревар ќе се одвива во 3 круга, од 18 февруари до 16 април.

badel-masterclass-gi-pokanuva-vestite-barmeni-na-predizvik-za-glavna-nagrada-od-30000-evra-05.jpg

Почетниот онлајн тест на 18 февруари ќе го оцени теоретското знаење на кандидатите преку брзината и точноста на одговорите.

Најдобрите 100 ќе се пласираат во вториот круг, во кој по 20 кандидати на настаните во Скопје, Загреб, Љубљана, Сараево и Белград ќе се борат за место во големото финале.

Третиот и последен натпреварувачки круг ќе ги собере најдобрите од сите земји учеснички. Овие финалисти ќе се борат за престижната награда од 30.000 евра во Загреб од 8 до 16 април.

За детални информации и пријавување посетете ја официјалната веб-страница на Бадел Мастерклас.

Најчитани неделава

sonovnik-sidebar.jpg