Сашка 42 дена изработува перики за 7 девојки од настраданите во пожарот од Кочани - доказ дека човечноста живее

Детали

петок, 09 мај 2025

„Првично, требаше за само една девојка, за на крај бројката да се зголеми на вкупно 8 перики од кои 7 за девојчињата настрадани во пожарот и една перика за една млада мајка - онколошки пациент. Девојчињата од Кочани се на возраст од 16 до 22 години“, вели Сашка за CRNOBELO.com. За една приказна од болка до надеж и за една жена со големо срце... Хуманост на дело!

Кога има хумани луѓе како Сашка, тогаш во срцата натежнати од болка влегува барем зрак светлина... А токму таа е светлината во срцата на 7 девојки настрадани од пожарот во Кочани, кои ја изгубиле косата и минуваат низ тежок процес на закрепнување.

Сашка Кузманова од Кавадарци е сопственик на компанијата ИНФИНИТИ ЛАЈФ КС Кавадарци за изработка на перики од природно влакно, наменети за онколошките пациенти, односно за сите оние коишто се соочуваат со најтешката болест - рак.

Таа неретко донира перики на онколошките пациенти, а сега ќе донира и за девојките кои настрадаа во пожарот во Кочани.

За овој хуман гест Сашка споделува за CRNOBELO.com:

„Трагедијата што се случи во Кочани нè потресе сите нас. Од најмало до најстаро.

Оваа трагедија не беше несреќен случај, туку суштинско предупредување за сите нас. Оваа трагедија остави една рана, која што никогаш нема да зарасне.

Оваа трагедија нè потсети сите нас, дека не треба само да плачеме, туку дека сега е моментот да ја покажеме нашата солидарност, оддавајќи им почит на загинатите, а од друга страна да пружиме рака кон настраданите коишто преживеаја.

Да им помогнеме во процесот на нивното оздравување, со позитивни мисли и нешто што во еден најмал момент би ги усреќило.

Запрашувајќи се неколку вечери по ред што и како би можела да помогнам, ме исконтактира фризерка од Кочани - Николина, која што ми ја кажа ситуацијата на девојките и дека после пожарот немаат коса, па дали би сакала да помогнам.

Без двоумење, веднаш се согласив.

Првично, кога се слушнавме имаше само една девојка, за на крај бројката да се зголеми на вкупно 8 перики од кои 7 за девојчињата настрадани во пожарот и една перика за една прекрасна млада мајка - онколошки пациент.

Девојчињата се на возраст од 16-22 години.

Па, кој би имал срце да не помогне и пружи рака на овие прекрасни девојки?

Не размислувајќи за тоа колку време треба за толку перики јас прифатив и почнав.

На 42-иот ден сите 7 перики се скоро готови.

Продолжува на следната страница...