Трагичната приказна за Алекса од Србија, момче кое се самоуби на 14 години поради малтретирање од врсници

Детали

четврток, 15 мај 2025

„Алекса добивал ќотек од неговите врсници во октомври. И во ноември, и во декември. Му удриле шлаканица и пред очите на наставникот. Во јануари бил кај детски психијатар... На крај, не издржал и скокнал од третиот кат за стравот да престане, за болката да исчезне, за да го „реши проблемот“ за сите...“ И 14 години по смртта на Алекса - неговиот случај боли и освестува, а српската јавност не го заборава.

Tрагичната приказна за смртта на Алекса Јанковиќ од Ниш, Србија, кој се самоуби на 10 мај 2011 година, на 14-годишна возраст, поради малтретирање од страна на врсници, е болен потсетник колку е важно системот навремено и одговорно да реагира во случаи на насилство врз деца.

Според српскиот магазин „Блиц“, за смртта на Алекса никој не одговарал. Иако биле утврдени серија пропусти во работата на вработените во училиштето, случајот официјално застарел.

Во 2017 година, неговите родители добиле службено соопштение во кое стоело дека „и покрај сите утврдени факти и пропусти, случајот за поведување дисциплинска одговорност против одговорните во училиштето и школската управа е застарен според законските рокови“.

Од седумте малолетници кои учествувале во малтретирањето на Алекса само тројца биле казнети со воспитни мерки и тоа само засилен надзор од страна на Центарот за социјална работа.

Неговите родители се бореле да се донесе закон, кој ќе спречи вакви ситуации во иднина.

Но, што се однесува до „Алексиниот закон“, за кој неговите родители се труделе со години, и кој предвидувал измени на повеќе прописи со цел превенција и поостра реакција во случаи на насилство во Србија, тој никогаш не бил усвоен во целосна форма.

Овој случај не се заборава од страна на јавноста, а на Фејсбук осамна емотивен статус за него (напишан од Јована Мирковиќ).

Објавата за Алекса која ежи и освестува гласи:

„Алекса добивал ќотек од неговите врсници во октомври.
И во ноември, и во декември.

Му удриле шлаканица пред очите на наставникот кој бил со него во автомобил.
Кога наставникот излегол од автомобилот да ги опомени, „малите ангелчиња“ почнале да го нишаат возилото во кое Алекса останал сам.

Во јануари бил кај детски психијатар, каде што му било дијагностицирано посттрауматско стресно нарушување.

фото: depositphotos.com

Добил терапија со лекови.

Дете од 14 години добило психофармаколошка терапија.

Продолжува на следната страница...