Саемско освежување на домот

Детали

четврток, 21 март 2024

Саемите отсекогаш означувале место на кое се покажуваат најновите достигнувања во специфичните области за кои се наменети. Како што се зголемувала нивната популарност, така се зголемувале и креативните идеи како и што може да се претстави.

Овогодинешниот саем за мебел кај нас, како и секоја година се одржува во март и претставува место во кое светските и регионалните дизајнери ги одмеруваат силите и креативните идеи како треба да изгледа современиот дом. Тоа е местото во кое се гледаат практичноста на решенијата, како и формите и боите кои ќе доминираат во претстојниот период. Но згора на сѐ, саемите нудат и одлични понуди и попусти со кои можат да се направат одлични освежувачки промени во домот.

Но да видиме најпрво што е она што ќе ја оддели 2024 од трендовите на минатата година.

Нежен луксуз

Оваа година акцентот го ставаме на минимализмот и едноставноста, а еден од главните карактеристики на овој концепт е во својот ентериер да имаме квалитетни парчиња мебел кој ќе го издржат тестот на времето.

Корнер за уживање со декорации за домот COCO maison

Во денешно време еден од трендовите е при уредувањето на домот да оставите простор кој ќе претставува корнер за уживање. Затоа при решавањето на аглите на просториите денешните дизајнери вметнуваат парчиња мебел во кои ќе можат да се сместат декорации на домот кои секогаш внесуваат дополнителна топлина и елеганција во просторијата.

Темно дрво

Спротивно на трендовите од минатата година кога во фокус беше светлото дрво, оваа година нешто потемните нијанси ќе ја доживеат својата ренесанса. Најдобар избор ќе бидат ореовото или дабовото дрво, со кои најдобро ќе се сложуваат светлите тонови на ѕидовите.

За време на саемот, Прима ви нуди одличен саемски попуст во сите салони на Прима мебел за целосно пролетно опремување на домот.