„Не му треба мајка, јас сум доволен“: Кристијано Роналдо искрено зборува за својот син

Детали

четврток, 05 ноември 2015

Фудбалската ѕвезда зборува отворено за неговиот син во најновиот документарец кој ја следи животната приказна на играчот на Реал Мадрид – од неговите скромни почетоци, па сè до тоа како станал фудбалска икона.

Кристијано Роналдо им дава на своите фанови поглед во нивниот приватен живот и отворено зборува за својот син.

Во 2010-та ѕвездата на Реал Мадрид изјави дека станал татко и дека ќе биде единствениот старател на детето, во согласност со мајката која сакала да го сокрие својот идентитет.

И додека Роналдо постојано објавува фотографии на социјалните мрежи, тој ретко зборува за неговиот 5-годишен син и неговата мајка.

30-годишниот фудбалер во овој документарец вели: „На мојот син не му треба мајка, доволен сум му јас“.

„Луѓето сакаат да шпекулираат со која девојка сум бил тогаш, или дали станува збор за сурогат мајка. Никој не го знае тоа. Никогаш не сум го споделил“ – продолжува Роналдо.

„Кога Кристијано ќе порасне ќе му ја раскажам целата приказна, како сум се чувствувал, низ што сум минувал. Буквално сè“ – заклучува Роналдо.