Сите парчиња накит со емотивно значење кои принцот Вилијам ѝ ги има подарено на Кејт

Детали

четврток, 13 јули 2017

Како секој добар сопруг, принцот Вилијам ѝ подарува накит на Кејт Мидлтон за посебните прилики.

Со таа разлика што неговите подароци имаат вртоглаво високи цени.

Колку парчиња накит досега Вилијам ѝ има подарено на Кејт, но со емотивна приказна зад тој гест?

Прстенот на вечноста

Прв на листата е прстенот кој вклучува скапоцени камчиња гранат (нејзиниот скапоцен камен според месецот на раѓање) и бисери (скапоцениот камен на принцот Вилијам според месецот на раѓање). Тој ѝ го подарил уште на почетокот на врската, кога ништо не било официјализирано.

Вереничкиот прстен

Како што сите знаеме, прстенот ѝ припаѓал на принцезата Дијана. По смртта принцот Чарлс им дозволил на Вилијам и Хари да одберат по едно парче накит за спомен. Хари бил оној кој го одбрал прстенот, додека Вилијам го одбрал омилениот часовник на Дијана. Но, кога Вилијам решил дека ќе ја запроси Кејт, со Хари ги промениле парчињата накит.

Златната бурма

Изработена од злато од Велш, бурмата се нашла во рацете на Кејт неколку недели по запросувањето.

Обетките од сафир и дијаманти

Исто така сопственост на принцезата Дијана, но во 2011-та се најдоа во кутијата за накит на Кејт, со објаснување дека сега кога се венчани, Кејт заслужува да има комплет со вереничкиот прстен.

Обетките по повод Божиќ

За првиот Божиќ поминат како член на кралското семејство, Кејт добила обетки од дијаманти.

Cartier часовникот

За третата годишнина од бракот Вилијам на Кејт ѝ подари Cartier часовник во вредност од 6,500 долари. На него има е скапоцен камен сафир, за да ѝ одговара со вереничкиот прстен.

М. Д. | Црнобело