Чантите на Дијана, ракавиците на Џеки Кенеди: Стилски белези на влијателните дами

Детали

понеделник, 21 август 2017

Познатите дами од високата класа се постојано  во фокусот на медиумите и модните критичари.

Заради тоа, тие секогаш мора да изгледаат совршено, дури до најмал детаљ.

Но, дали некогаш сте забележале дека речиси сите од нив имаат нешто по што се препознатливи и без што не се појавуваат никаде?

Ова се влијателните дами во светот на кои „незабележливите“ детали им се главен белег во стилот:

Принцезата Дијана

Важен елемент во сликите на принцезата Дијана, без кој нејзиниот изглед не е целосен, се чантите. Принцезата имала посебна љубов за овој моден детаљ и поседувала импресивна колекција. Во 1995-та, модната куќа Dior во нејзината чест создала елегантна лакована чанта наречене „Lady Dior“.

Ракавиците на Џеки Кенеди

Уникатниот изглед на Џеки се состои од едноставен крој на елегантни костики и фустани со впечатливи цветови, шешири и бисери околу вратот. Но, посебен шарм на целиот изглед даваа долгите ракавици кои ги криеа нејзините раце.

Обетките на Грејс Кели

Принцезата од Монако покажа беспрекорен вкус за мода како хокливудска ѕвезда, но и како благородничка. На прв поглед незабележлив, но важен елемент од нејзиниот изглед се малите заоблени обетки кои таа ги преферираше.

Чевлите на Мишел Обама

Откако стана прва дама на САД, Мишел за кратко доби статус на стилска икона. Светли бои, шарени принтови и многу нијанси го разликуваа нејзиниот стил од останатите дами на нејзино место. А нејзиниот омилен детаљ по кој стана препознатлива се елегантните шпицести чевли со ниска штикла кои секогаш го комплетираа прекрасниот изглед.

Официјалните, но женствени аутфити на Меланија Трамп

 Иако има многу тенки нозе, новата прва дама на САД секогаш бира фустани чија должина е строго до под колена. Нејзините аутфити секогаш ја истракнуваат нејзината атрактивна фигура.

Костимите со панталони на Карла Бруни Саркози

Сопругата на поранешниот претседател на Франција докажа дека црната боја е соодведна за сите пригоди. А, покажа и дека панталоните се исто толку ефективни како фустаните и здолништата.

Мини фустаните на Брижит Макрон

Гледајќи во новиот претседател на Франција, тешко е да се поверува дека има 64 години. Нејзината витка фигура може да ги „победи“ сите млади Парижанки. Таа на речиси сите настани се појавува во еднобојни фустани кои задолжително се над колена.

Шапките на Кејт Мидлтон

Она што најмногу остава впечаток во нејзиниот целосен изглед се шапките кои ги има во најразлични форми и бои. Се вели дека во колекцијата на војводката има повеќе од 100 вакви модели, кои таа совршено ги комбинира со сите аутфити.

М. М. | Црнобело