Прошетки на плажа, бокс тренинзи: Катарина Ивановска во совршена форма 6 месеци по породувањето

Детали

четврток, 23 ноември 2017

Катарина не мирува, ниту кога е физичката активност во прашање, ниту кога е актуализирањето на проблемите што ги мачат Македонците.

Катарина Ивановска и нејзиниот партнер Цобе во месец мај се реализираа во улогата на родители. 29-годишниот супермодел на свет го донесе синот Вања.

Младите родители одлично се справуваат со новите обврски, а малиот Вања веќе уживаше на Охридското Езеро, планината Копаоник, островот Миконос, а последната во низа семејни прошетки им беше островот Крит.

Катарина се релаксираше во бикини на плажа под ноемвриските зраци сонце. Нејзиното тело е комплетно вратено во форма, а заслужно за тоа, покрај добрите гени, се напорните тренинзи во фитнес центарот.

Страст периодов ѝ се бокс тренинзите, каде го дава и последниот атом енергија од себе, па не е воопшто чудно што изгледа беспрекорно.

Инаку Катарина не мирува и постојано е дел од кампањи за поткренување на јавната свест на различни теми кои го мачат нашето општество.

Неодамна ја видовме во кампањата на УНИЦЕФ, која го носи слоганот „Биди фер. За детство без пречки“. Исто така, дава своја поддршка на кампањата  „Имам право на чист воздух“ и ја промовира петицијата за забрана на паркирање на тротоарите.

Младата мајка очигледно е цврсто одлучена да ја направи Македонија подобро место за живот, како за своето дете, така и за сите други деца.

Еве дел од нејзините Инстаграм фотки:

С. С. | Црнобело