Зошто кралицата Елизабета нема да присуствува на свадбата на принцот Хари и Меган Маркл?

Детали

четврток, 30 ноември 2017

Деновиве, сите се опседнати со веста за свршувачката на принцот Хари и Меган Маркл и сите новости поврзани со нив.

Се чини како сите со нетрпение да чекаат да дојде пролет за да видат како ќе изгледа свадбата на новиот кралски пар кој е главна атракција моментално.

А, оние пак, кои ќе присуствуваат на неа, се сигурно уште повозбудени, за разлика од оние кои ќе ја следат од дома.

Но, зачудувачки, во групата на луѓе кои свадбата на Хари и Меган ќе ја гледаат од дома е и кралицата Елизабета.

Оваа информација не е официјално потврдена, но причината заради која бабата на Хари не би присуствувала на свадбата е тоа што Меган претходно била мажена и разведена.

Кралицата му даде благослов на парот, изјавувајќи дека е воодушевена од добрите вести, но нејзината позиција ја спречува да присуствува на церемонијата.

Како британски монарх, таа е главна на Црквата на Англија, која проповеда дека бракот е вечен.

Разводот не е прифатен од црквата и иако ова изгледа како старомодна традиција која треба да се надмине, сепак на кралицата ова нема да ѝ биде првпат да не присуствува на семејна свадба од истата причина.

Уште во 2005-та година, кралицата Елизабета ја пропушти свадбата на нејзиниот син, принцот Чарлс со Камила. Двајцата претходно биле венчани со други и кралицата присуствувала само на приемот по церемонијата.

Според тоа, штом таа не направила исклучок за нејзиниот син, се очекува дека нема да го направи ниту за свадбата на нејзиниот внук, но останува да видиме која ќе биде одлуката на кралицата Елизабета.

М. М. | Црнобело