Горан, преживеаниот гитарист на ДНК, си замина од болницата во Солун: „Благодарам на Бога што ми даде втора шанса“

Детали

четврток, 15 мај 2025

„Моите чувства се измешани, колку што сум среќен толку сум и тажен за загубата на сите деца, а посебно за моите драги колеги и другари“ - напиша Горан Тонев на Фејсбук, и по 2 месеца лекување во Солун си замина дома.

Горан Тонев, гитаристот во бендот на ДНК, по два месеца лекување во болницата во Солун, си замина дома.

Тој на Фејсбук објави фотографија на која е со завој на главата и на рацете, кои и денес говорат за повредите со кои се здоби во пожарот во дискотеката во Кочани.

На фотографијата, Горан е со болничкиот персонал кој се грижел за него изминатиов период.

„Му благодарам на Бога што ми даде втора шанса, му благодарам на целиот персонал од болницата ,,Папаниколау" - Солун за неизмерната грижа и нега која ми ја пружија.

Исто така сакам да се заблагодарам и на персоналот во Кочани и Скопје. Голема благодарност за сите мои роднини и пријатели коишто се молеа за мене.

Моите чувства се измешани, колку што сум среќен толку сум и тажен за загубата на сите деца, а посебно за моите драги колеги и другари. Сочувство за сите фамилии“ - напиша тој.

А. Ј. | Црнобело