Деца на славните коишто ги копираат родителите во изборот на кариерата

Двејн Џонсон и Роки Џонсон

Можеби сега е едно од најпознатите имиња во Холивуд, но Двејн Џонсон ја започна својата кариера во лигата на американските кечери, исто како и татко му.

Скот Иствуд и Клинт Исвуд

Најмладиот син на Клинт Иствуд многу се потруди за да го избегне непотизмот којшто би го следел со името на татко му. На почетокот на својата кариера настапуваше под името Скот Ривс, а оттогаш се појави во неколку филмови како што се „Suicide Squad“ и „The Fate of the Furious“.

Александер Скарсгард и Стелан Скарсгард

Целата фамилија Скарсгард доминира со филмската индустрија, заедно со останатите синови Густав, Бил и Валтер, најмногу затоа што сите изгледаат одлично и воедно се многу талентирани актери. Комбинирано тие имаат настапено во филмовите: „IT“, „The Legend of Tarzan“, „Zoolander“, „Divergent: Allegiant“ и уште неколку серии.

Патрик Шварценегер и Арнолд Шварценегер

25-годинешниот син на „Терминаторот“ дипломираше на Факултетот за бизнис во 2016 година, а оттогаш до сега се обиде во модната индустрија како модел, а и како актер во неколку холивудски продукции. Се појави покрај Бела Торн во „Midnight Sun“, а позираше и на насловните страници после неговите романси со Мајли Сајрус и Аби Чемпион.

Ах, да се биде млад, богат и убав и дете на моќни родители…

(О)Милена | Црнобело