Лана дел Реј се вери по вторпат, по само неколку месеци врска - го запознала на апликација за состанување

Детали

среда, 16 декември 2020

Лана дел Реј ја криеше врската од јавноста, но по само кратко време состанување има свршенички прстен на раката, по вторпат во животот. Кој е нејзиниот избраник?

Лана дел Реј се свршила со пејачот Клејтон Џонсон, пишуваат американските медиуми.

Парот се запознал на апликација за состанување и почнале да се следат и на Инстаграм во август.

35-годишната пејачка ги поттикна гласините за свршувачка откако се појави со масивен прстен во The Tonight Show кај Џими Фалон.

Прстенот го носи и на фотографија што ја објави на Инстаграм.

Инаку, Клејтон заедно со двајцата негови браќа е дел од музичкото трио The Johnsons, каде пее и свири на гитара.

Многумина се изненадени од веста за свршувачката на Лана затоа што таа се раздели од поранешното момче Шон Ларкин, пред само 9 месеци.

Лана не открива детали за врската, но со задоволство го покажува прстенот на раката.

Парот беше фотографиран заедно и на Halloween.

Ова не е прва свршувачка на Лана. Таа во 2014 година тајно се сврши со Бери Џејмс О’Нил.

С. С. | Црнобело