Меколи Калкин (40) првпат стана татко – го крсти синчето по сестра му која загина во сообраќајка


Меколи Калкин (40) првпат стана татко – го крсти синчето по сестра му која загина во сообраќајка

Меколи Калкин и неговата девојка Бренда Сонг за неколку светски медиуми потврдија дека станале родители - добиле синче кое е крстено по сестрата на актерот. Иако тие често зборуваа дека сакаат да бидат родители, целата бременост ја чуваа во тајност.

mekoli-kalkin-prvpat-stana-tatko-go-krsti-sincheto-po-sestra-mu-koja-zagina-vo-soobrakjajka-01.jpg

Меколи Калкин за првпат стана татко – со партнерката Бренда Сонг го доби синот Дакота Сонг Калкин.

Парот ги потврди гласините за Esquire, кои први ја споделија веста, а подоцна и за CNN, но веројатно ќе почекаме пред да ги видиме првите фотки.

Според изворите, синчето се родило на 5-ти април во Лос Анџелес, а во кратка изјава, актерот само споделува дека и тој и Бренда се пресреќни.

mekoli-kalkin-prvpat-stana-tatko-go-krsti-sincheto-po-sestra-mu-koja-zagina-vo-soobrakjajka-03.jpg

Инаку, детенцето е крстено по сестрата на Меколи – Дакота – која почина во 2008-ма на 29-годишна возраст.

Тогаш, сестрата на актерот доживеа сообраќајна несреќа, а подоцна им подлегна на повредите. Наводно, после трагичниот настан не била покрената никаква тужба, бидејќи личноста што управувала со возилото не била под дејство на алкохол и застанала кога ја удрила Дакота.

Актерот уште во март минатата година зборуваше за тоа дека се обидуваат да добијат дете со Бренда:

„Се обидуваме да сфатиме што треба да правиме, сакаме да го погодиме тајмингот“.

mekoli-kalkin-prvpat-stana-tatko-go-krsti-sincheto-po-sestra-mu-koja-zagina-vo-soobrakjajka-02.jpg

Всушност, актерот зборуваше за желбата да стане татко уште во 2018-та, кога на интервју откри дека со Бренда „работат на случајот“. Сепак, целата бременоста на Бренда успеале да ја чуваат во тајност.

mekoli-kalkin-prvpat-stana-tatko-go-krsti-sincheto-po-sestra-mu-koja-zagina-vo-soobrakjajka-06.jpg

40-годишниот актер и 33-годишната актерка се запознаа на сетот на Changeland, во Тајланд, а првпат беа забележани заедно во јавност во 2017 година. Еден месец подоцна, Бренда сподели заедничка фотка со Меколи, со што ги потврдија гласините дека се пар.

mekoli-kalkin-prvpat-stana-tatko-go-krsti-sincheto-po-sestra-mu-koja-zagina-vo-soobrakjajka-05.jpg

Актерите добро ја кријат својата приватност и се држат подалеку од јавноста, иако одвреме-навреме споделуваат понекоја заедничка фотографија.

mekoli-kalkin-prvpat-stana-tatko-go-krsti-sincheto-po-sestra-mu-koja-zagina-vo-soobrakjajka-02.jpg

Спирова С. | Црнобело

Би можело да ве интересира:

Како изгледа сестрата на Јелена Ѓоковиќ? (фото) Таа е прекрасна црнокоса, која не обожава многу да биде во фокусот на јавноста. ...
Дакота Џонсон на пазарење, додека дечко ѝ е на судење против неговиот демнач Крис Мартин, фронтменот на групата Coldplay минува низ голема животна драма, отк...
Дакота Џонсон со смел аутфит кој не може да го износи секој - тренерки и бунда (фото) Кој друг би можел да износи вака смела комбинација? Што мислите за овој стајлинг...

Најчитани неделава

sonovnik-sidebar.jpg