Починал од леукемија, наводно направил две чуда по смртта: Кој е тинејџерот што беше прогласен за светец?

Во последните мигови, Карло ѝ рекол на мајка му да не се плаши од неговата смрт бидејќи ќе оди во вечноста.

Потоа Карло паднал во кома и починал на 12-ти октомври.

Канонизацијата на Карло Акутис се одвивала многу полесно од вообичаено.

Обично ова е мошне долг, но и скап процес кој вклучува детално проучување на животот на кандидатот за светец.

Генерално, за некој да биде прогласен за светец, треба да има направено најмалку две чуда (додека бил жив или по смртта).

Овие чуда ги истражуваат медицински експерти и теолози назначени од Ватикан, со цел да се утврди нивата веродостојност.

Двете чуда кои му се припишуваат на Карло се случиле по неговата смрт.

Првото чудо е од 2020-та, кога наводно излекувал дете од Бразил со вродена мана. Според мајката на детето, таа му се молела на Карло да ѝ помогне, па тој го излекувал син ѝ.

Второто чудо е исто така лекување, овој пат двојче од Костарика кое си ја повредило главата додека возело велосипед.

Според мајката на девојчето, таа се молела на гробот на Карлос за закрепнувањето на ќерка си.

Како што веќе спомнавме, канонизацијата на тинејџерот се соочува со критики. Некои сметаат дека тоа што собирал чуда на својот веб-сајт не треба да се гледа како нешто што би направило некој светец.

Други коментираат дека во животот на детето не се случило ништо невообичаено или спектакуларно за тој да биде прогласен за светец.

Некои кои го познавале Карлос велат и дека не ни знаеле дека тој е побожна личност. Единствено го опишуваат како добро дете кое сакало да им помага на другите.

Денес телото на Карло се наоѓа во италијанскиот град Асизи и верниците можат да го посетат.

Лицето и дланките му се обложени со восок, па затоа телото изгледа добро зачувано, и 19 години по смртта.

Спирова С. | Црнобело