Маите се побунија: Не ширете лаги за крајот на светот!

Детали

четврток, 25 октомври 2012

Народот на Маите во Гватемала ги обвини владата и туристичите организации за ширење на митот за крајот на светот од чиста мира.

„Креваме глас против лагите и превртувањето на вистината, како и против претворање на нашиот фолклор во извор на профит“ – изјавил Фелипе Гомес, претседател на здружението на Маите.

Тој наведува дека постојано се шират невистини за временските циклуси на Маите, алудирајќи на многубројните документарци во кои се промовира крајот на светот според календарот на Маите, на 21 декември 2012.

Министерството за култура на Гватемала на овој ден ќе организира манифестација на која се очекуваат да се појават 90.000 луѓе во чест на овој настан.

Претставниците на Маите се обратиле до туристичките претставници да ја откажат оваа прослава која ја навредува мајанската култура. Експертите наведуваат дека она што завршува за Маите на 21 декември е само еден календарски циклус, но тоа не значи дека ќе биде крај на светот.

Новиот циклус „означува почеток на големи промени на личен и фамилијарен план како и на ниво на заедница, со цел помеѓу луѓето и природата да настапи соединување и рамнотежа“ – се наведува во соопштението на здружението на Маите.

Повеќе од половина од 15 милиони жители на Гватемала се со мајанско потекло.

Мајанскиот календар почнува 3114 година п.н.е и го дели времето на периоди од околу 400 години, познати како бактуни. Маите избројале 13 бактуни од кои последниот се завршува на 21 декември 2012.