„Живееше со мене во пештери 14 години, се селевме 49 пати“ - Која е сопругата на новиот претседател на Сирија?

Детали

недела, 28 септември 2025

Кога на почетокот на 2025 член на Ал Каеда стана претседател на Сирија, светот стравуваше од нова војна. Но, Ахмед ел-Шара полека ја менува земјата со сопругата Латифа покрај себе, а првата дама на Сирија е вклучена и во државнички активности. Која е жената која му е ветер во грб на сирискиот претседател?

Ахмед ел-Шара, поранешен член на најозлогласените организации од Блискиот Исток е новиот претседател на Сирија - и додека светот е изненаден од овој избор, тој е среќен што влегува во високите светски кругови, а полека ја воведува и институцијата „прва дама“ во своите јавни настапи, па неговата сопруга Латифа е сè почесто присутна покрај него.

Ахмед ел-Шара беше член на Ал Каеда со години, а денес се ракува со државници во костум.

Тој дури и беше меѓу говорниците на Генералното собрание на Обединетите нации минатата недела, заедно со претседателите на Аргентина, Украина и Иран.

Ел-Шара е претседател на Сирија од јануари 2025 година, по соборувањето на режимот на долгогодишниот претседател Башар ал-Асад.

Оттогаш, тој патува низ светот и со задоволство е домаќин на странски државници кои доаѓаат во земјата.

Но, неодамна со него почна да се појавува и новата прва дама на Сирија, неговата сопруга Латифа ел-Друби.

На почетокот на септември, медиумите од Блискиот Исток објавија дека таа се појавила на церемонијата за доделување дипломи на Факултетот за уметност и хуманистички науки на Универзитетот во Идлиб како прва дама, бидејќи во меѓувреме магистрирала.

На церемонијата присуствувал и нејзиниот сопруг, кој ѝ ја врачил дипломата, по што следел аплауз од присутните.

Во својот говор Латифа ел-Друби нагласила дека не била таму како прва дама, туку како „сириска студентка која носела сон во своето срце и го следела и покрај предизвиците со кои се соочувала низ годините“.

/video/3

Но, тоа не беше првпат Латифа да се појави јавно како прва дама на Сирија.

Таа во февруари ја посети Мека со својот сопруг, но со силно обезбедување помеѓу нив и мажите дојдени на аџилак.

Во тоа време во јавноста првпат осамна и нејзина фотографија, на која е покрај Емина Ердоган, првата дама на Турција.

Продолжува на следната страница...