Синот на Доналд Трамп на чуден начин објави дека се свршил – татко му ја тапна по рамо девојката за да го прегрне (видео)

Детали

среда, 17 декември 2025

Синот на Доналд Трамп од бракот со Ивана, со чуден и непријатен говор во Белата куќа објави дека се свршил со манекенка, со која започнал врска лани додека бил свршен со друга девојка – татко му уште почудно ја поттурна снаата по рамо за да го прегрне идниот сопруг, па таа засрамено го допре.

Во семејството на Доналд Трамп изгледа како никогаш да нема крај на драмите, кои секогаш се уловени на снимки за цела јавност да биде сведок.

Последното случување исто така предизвика низа реакции и коментари, кога неговиот син од бракот со Ивана, Доналд Џон Трамп Јуниор (47), во Белата куќа на говорница објави дека се свршил со својата девојка Бетина Андерсон.

Многумина неговиот начин на соопштување го доживеаја како чуден и непријатен, прво затоа што нема потреба да биде официјално објавен во Белата куќа, но и заради неговиот избор на зборови.

„Обично не останувам без зборови, но ова е малку поразлично. Сакам да ѝ заблагодарам на Бетина за тој еден збор – ДА.

Знаете, кога си клекнат, се обидуваш да прашаш, но не си сигурен што ќе биде одговорот...

Секогаш е малку незгодно, но таа кажа ДА, па тоа е големата победа за годината“.

Но, освен тоа што призна дека не бил сигурен дали ќе го прифати предлогот, татко му, направи уште понепријатен потег.

Во моментот кога син му ја објави свршувачката, тој ја потапка снаата по рамо, сугерирајќи ѝ со поглед да покаже нежност кон идниот сопруг, па таа засрамено само го допре по рака.

Погледнете го видеото:

Инаку, Доналд Џон Трамп Јуниор, познат како Дон Јуниор, е американски бизнисмен и активист и најстариот син на претседателот на САД, кој го има од бракот со Ивана.

Тој е прилично искусен во полето на веридбите, бидејќи ова му е најмалку третпат.

Претходно бил во брак со Ванеса Трамп, со која има 5 деца, а кога ја започнал врската со сегашната свршеница, бил свршен со друга девојка.

Повеќе фотографии од неговата свршеница:

М. М. | Црнобело