Кратка приказна: Пламенот на надежта никогаш не смее да згасне

Оваа кратка приказна ќе ви докаже дека никогаш не треба да се откажувате и дека без разлика во каква ситуација сте, секогаш постои надеж дека ќе биде подобро...

Прочитајте ја оваа приказна и споделете ја со вашите најблиски:

„Во собата полека и тивко гореа 4 свеќи. Беше целосна тишина и токму поради тоа можеше да се чуе тивкиот разговор помеѓу свеќите.

Првата свеќа прошепоти: „Јас сум МИР - луѓето не успеваат да ме сочуваат, мислам дека ќе се изгаснам”. И таа веднаш згасна.

Втората свеќа додаде: „Јас сум ВЕРА - за жал многу луѓе сметаат дека не сум неопходна, нема смисла да горам и понатаму.” Само што го кажа тоа, дувна лесно ветре во собата и таа згасна.

Третата свеќа жалосно проговори: „Јас сум ЉУБОВ - немам повеќе сила, луѓето често ме забораваат и ме тргаат настрана. Дури забораваат да ги сакаат и најблиските, нема повеќе смисла за мене.” И истиот миг згасна.

За кратко во собата влезе човек и погледна збунето па запраша: „Што е ова? Требаше да горите до крај”. Само што го рече тоа, човекот седна во полумрачната соба и тивко заплака.

Тогаш се јави и четвртата свеќа: „Не се плаши, додека јас горам, ќе можеме да ги запалиме и другите свеќи. Јас сум НАДЕЖ.”

Пламенот на надежта треба секогаш да ни гори во срцата за да можеме во нас да ги одржите верата, љубовта и мирот...