Кратка мудра приказна: Зошто треба да поставувате прашања?

Силен змеј се движел низ неговата шума на еден прекрасен сончев ден. Одеднаш сретнал волк...

- „Еј, дојди тука, мој голем сив пријателе! Правам забава вечерва и ќе те ставам на листата. Гледаш? (почнал да запишува). Ќе те чекам бидејќи ти ќе бидеш моето главно јадење. Сфаќаш?“

- „Да“ - одговорил волкот.

- „Имаш некакви прашања?“ - прашал змејот.

- „Не, господине“ - одговорил волкот.

- „Добар волк, се гледаме вечер“ - изјавил змејот.

Змејот продолжил да се движи низ шумата и сретнал лисица.

- „Што правиш итра лисицо? Вечер правам мала забава. Треба да дојдеш. Тебе ќе те послужам како предјадење. Ме разбра?“ - прашал змејот.

- „Да, разбрав“ - изјавила лисицата.

- „Имаш некакви прашања?“ - прашал змејот.

- „Не, сè ми е јасно“ - одговорила лисицата.

На крајот, змејот сретнал едно зајче.

- „Еј, слатко зајче, одамна не сум те видел! Вечер правам забава и сакам да дојдеш. Мислам дека ќе те јадам за десерт. Ме слушна?“ - прашал змејот.

- „Да, те слушнав“ - одговорил зајакот.

- „Имаш некакви прашања?“

- „Да, само едно.“ - одговорил зајакот.

- „Слободно прашај“ - рекол змејот.

- „Може другпат да присуствувам на твоја забава? Имам планови за вечер.“ - прашал зајакот.

- „Секако пријателче, нема проблем. Само да те избришам од листата“ - рекол змејот.

Н. Г. | Црнобело