Сопругата на Петар Грашо пак е бремена – пејачот од Скопје ги потврди убавите вести

Детали

понеделник, 29 април 2024

Пред помалку од 2 години ја добија ќеркичката Алба, а сега Петар Грашо потврди дека со сопругата Хана го очекуваат второто дете.

Сопругата на Петар Грашо, Хана Хуљиќ повторно е бремена. Убавите вести ги потврди и самиот пејач, кој во моментов се наоѓа во Скопје заради неговиот трет распродаден концерт пред македонската публика.

Во хрватските медиуми веќе подолго време се ширеа гласини дека сопругата на Петар Грашо, Хана Хуљиќ повторно е бремена, а сега и самиот пејач ги потврди убавите вести.

Тој во телефонска изјава за In Magazin потврдил дека со сопругата наскоро ќе станат родители на уште едно дете, а малата Алба ќе добие братче или сестричка.

Хана за последен пат во јавност се појави пред 10-тина дена на отворање на една изложба во Загреб, а јавно зборуваше за својата ќерка и за тоа колку таа им го направила животот поубав.

„Толку уживам во секој миг со неа, знам дека брзо ќе порасне и можеби и сега едвај чекам да порасне, но знам дека потоа ќе ми биде жал. Прекрасна е, весела и внесе нешто посебно во нашите животи“ – рече Хана.

Инаку, Петар и Хана во јули годинава ќе го прослават вториот роденден на ќеркичката Алба.

Нивната врска на почетокот беше доста критикувана од страна на јавноста затоа што пејачот претходно одлучи да стави крај на 24-годишната врска со Данијела Мартиновиќ, а потоа се дозна дека се гледа со ќерката на неговиот долгогодишен пријател и соработник Тончи Хуљиќ.

Инаку во интервју за CRNOBELO.com Петар Грашо раскажа дека во моментот кога неговата ќерка се родила тој бил во Охрид, а патувал 10 часа за да стигне да ја види.

Целото интервју со Петар Грашо прочитајте го ТУКА.

Б. С. Б. | Црнобело