Прекрасна јапонска легенда: Црвениот конец кој поврзува две срца

Уште од самите почетоци човештвото секогаш се прашувало кое е значењето на живот, која е неговата суштина и зошто воопшто постоиме. Потрагата по одговор на овие прашања оформила многу филозофски учења и магични легенди.

Една од тие легенди е и приказната за црвените врвки. Потекнува од Јапонија и ја објаснува мистеријата која се нарекува живот на еден прекрасен, истовремено и романтичен начин.

Затворете ги очите. Замислете како вашето тело станува транспарентно. Можете да ја замислите сложената мрежа од крвни садови која се шири низ целото ваше тело? Нашето постоење се должи на овие реки кои даваат живот.

Сега замислете си еден посебен систем - оној кој ги поврзува вашето срце и малиот прст од раката. Тоа е улнарната артерија која го прави вашиот најмал и незначителен прст вистински претставник на срцето.

Токму од овие причини, во многу култури, кога луѓето прават некаков договор или ветуваат нешто, даваат некаков завет, ги вкрстуваат малите прсти.

Според јапонската легенда, црвената линија која завршува во вашиот најмал прст, продолжува како невидлива црвена врвка кон другата личност и на тој начин се поврзуваат двете срца. Двете срца судбински споени...

Н. Г. | Црнобело