Магичните зборови кои се далеку поважни од „те молам“ и „благодарам“

Пред некој ден излеговме на прошетка и гледавме со ќерката како возат ролери на патеката. Мојата ќерка ги гледаше грациозните девојки и едноставно не можеше да го тргне погледот од нив. Ги гледаше и не сакаше да си замине.

Гледаше во нив долго време. Дури зјапаше. Размислуваше за нешто, чекаше... Навистина сакаше да вози ролери, но постоеја многу препреки.

Пред сè имаше само 3 години, јас имав многу обврски, непријатно ми беше и се плашев за нејзината безбедност...

Но, решив:

„Ајде да пробаме! Да се обидеме!“

Ги одбравме најмалите ролери, ги купивме, ставивме чорапи во нив, за да бидеме сигурни дека ќе ги собере и застанавме на патеката. Се обидовме неколкупати, но веќе се стемнуваше и моравме да си заминеме.

Мојата ќерка беше разочарана, но истовремено и среќна поради фактот што доби свои ролери, а и поради тоа што се обидовме.

Со сопругот уште одамна откривме дека ова се магични зборови, помагични и од „благодарам“ и „те молам“.

Магијата се крие во тоа што работите ги правиме заедно, се поддржуваме, експериментираме. Не ризикуваме, туку само се обидуваме.

„Ајде да се обидеме“ - тоа се зборови кои раскажуваат една приказна за ранливоста. Звучи како: „Не знаеме што ќе се случи, не знаеме како да ги направиме работите, не сме сигурни дали ќе успееме и какви ќе бидат резултатите, но важно е што сме се обиделе, заедно...“.

Зошто да не? Да се обидеме!

Н. Г. | Црнобело