„Изедена“ лента од касета и уште 13 големи проблеми што ги имавме како деца

Проблем ми беше сосетката што не ни ја враќаше топката ако падне кај неа во двор и симпатијата кој не ме забележуваше.

Се сеќавате ли кога бевме деца и кога со сендвичот во раце трчавме во маало? Игравме разни игри и на моменти верувавме дека имаме многу гоолеми проблеми.

Од денешна перспектива, тие проблеми ми изгледаат смешно, забавно и со задоволство би сакала да ги имам, односно да ги заменам за актуелните „проблеми на возрасните“ со кои се соочувам.

Проблемите кои ги имав во детството:

- Скараната другарка затоа што не сум ја викнала за надвор.

- Крвави колена од што паѓав трчајќи во прашината во маало.

- Симпатијата кој не ме забележуваше.

- „Лошиот“ прекар кој го добив од другарите од улица.

- Ист симпатија со другарката и кавга која од нас ја сака тој.

- Кога сите се договаравме да бегаме од час на училиште, а знаев дека дома ми следува казна за тоа.

- Тоа што родителите ме прибираа порано од другите деца.

- Сосетката што не ни ја враќаше топката ако падне кај неа во двор.

- Тоа што понекогаш немаше кворум за играње народна, грабни стапче, цигарче и џамија.

- Тоа што другарка ми беше подобар голман од мене кога игравме со машките од маало фудбал.

- Тоа што вокменот понекогаш знаеше да ми ја „изеде“, односно уништи лентата од касетата.

- Страшните приказни за духови кои ги раскажуваа другарите кога веќе надвор е ноќ.

- Кога дома не ми ја купуваа играчката која беше хит и сите деца ја имаа.

- Кога плачев затоа што не сум добила петка.

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело