На прв состанок паровите одат во кревет, забрането им е да носат мустаќи – Интересни факти за секојдневието на Амишите

Постојат два типа казни кај Амишите, едната е со исклучување, а другата со прогонство.

Кога некој е исклучен, тогаш тој се оттргнува од заедницата сѐ до моментот додека не сфати каде згрешил. Никој не разговара со него – ниту семејството, пријателите, а ниту соработниците.

Кога некој е исклучен, тоа не значи дека е отфрлен, туку само е прекината комуникацијата со него.

Ваква казна може да се заработи во заедницата ако ве фатиле како озборувате, пиете алкохол, користите модерна технологија во домот, не сте биле во црква или се облекувате несоодветно.

Прогонството е наменето за оние лица што извршиле убиства, силувања, кражба или злоупотребувале деца.

Лицата што се обвинети дека извршиле вакво злодело најчесто се засекогаш прогонети од заедницата, но познато е дека многупати тие ги прикриваат злосторствата од надворешниот свет.

Амишите, исто така, сѐ уште веруваат дека „ќотекот излегол од Рајот“, па често ги казнуваат децата со ќотек, како во домовите, така и во училиштата, а почесто момчињата може да добијат вакви казни затоа што се верува дека тие се поподложни на правење бељи.

Прочитајте и Инцести, силувања: Ужасна исповед на девојка од амишко семејство

Вообичаено Амишите не се фотографираат и не дозволуваат да им бидат направени фотографии.

Се смета дека фотографиите се директно спротивставување на нивната вера и дека ја нагласуваат индивидуалноста, што е спротивно на нивното учење дека треба да бидат запомнети по тоа што направиле, а не по физичкиот изглед.

Интересно е што Амишите дозволуваат да им се приклучат и нови жители од другите заедници доколку сакаат да водат едноставен живот во нивната заедница.

Но, единствен услов е да живеат со нив една година и да го научат нивниот начин на живот.

Прочитајте и 5 лекции за родителството од Амишите

Б. С. Б. | Црнобело