Емотивни (и шеговити) цитати кои ќе ве натераат да ја гушнете вашата мајка

Без разлика на вашата возраст, без разлика дали уште е со вас или прерано ве „напуштила“, вашата мајка секогаш ќе има посебно место во вашето срце.

А, бидејќи понекогаш е тешко да се опише мајчината љубов, но и љубовта што вие ја чувствувате кон неа, цитатите од познати, па и анонимни личности, можат да бидат од голема помош.

Па, прочитајте ги овие емотивни цитати, вклучувајќи и неколку шеговити, кои одлично ја доловуваат љубовта на мајката и децата:

„Срцето на мајката е огромна бездна, на чие дно секогаш ќе најдете прошка“ – Оноре де Балзак

„Природната состојба на мајчинството е несебичноста. Кога ќе станете мајка, повеќе не сте во центарот на вашиот универзум. Им ја отстапувате таа позиција на вашите деца“ – Џесика Ланџ

„Младоста поминува, љубовта слабее, лисјата на пријателството венеат. Надежта на мајката ги надживува сите нив“ – Оливер Вендел Холмс

„Мајчината љубов е горивото што ѝ овозможува на обичната личност да го направи невозможното“ – Марион К. Гарети

„Мајката го разбира она што детето не го кажува“ – еврејска поговорка

„Кога сте мајка, никогаш не сте целосно сами во вашите мисли. Мајката секогаш мора да размисли двапати – еднаш за себе, а еднаш за нејзиното дете“ – Софија Лорен

„Мамо, нишките на твојата љубов се проткаени низ моето срце“ – непознат автор

„Најдобриот лек во светот е мајчиниот бакнеж“ – непознат автор

„Мамо, те сакам, дури и ако не ти ја прифаќам понудата за пријателство на Фејсбук“ – непознат автор

„Мајката ќе ти прости за сите недостатоци, дури и оние кои ги немаш“ – Роберт Браулт

„Сфатив дека кога ја гледаш својата мајка, гледаш во најчистата љубов“ – Мич Албом

„Мајката е твојот прв пријател, твојот најдобар пријател и твој пријател засекогаш“ – непознат автор

„Мајка ми мѝ е идол уште пред да дознаам што значи тој збор“ – Лиса Лесли

„Мајката е личност која може да ги замени другите, но никој не може да ја замени неа“ – непознат автор

„Бог не можел да пристигне да прави сè одеднаш, па затоа ги создал мајките“ – Рудјард Киплинг

„Нема начин да бидете совршена мајка, но постојат милиони начини да бидете добра мајка“ – Џил Черчил

Спирова С. | Црнобело