„Ослабев 50kg со Оземпик - кога престанав да го користам, си ги вратив килограмите за 4 месеци“

„Водам постојана битка и сум многу потешка отколку што би сакала. Сакав повторно да користам Mounjaro, но поради зголемената цена, знам дека ова не е долгорочно решение“, вели Рози.

Британецот Крег Купер почнал да користи Mounjaro во декември 2024-та и за девет месеци ослабел околу 30 килограми.

Но, кога ја зголемиле цената на лекот, морал да престане, а вели дека веднаш му се вратил апетитот.

„Двапати преживеав мал инфаркт и се плашев дека нема да си ги видам децата како ќе растат. Ми требаше чудо и мислев дека го најдов со инјекциите за слабеење.

Килограмите исчезнаа. Имав цунами од несакани ефекти – променливо расположение, конспирација, лош здив… Но, бев многу слаб.

Но, кога престанав со лекот, желбата за храна ми се врати за 48 часа. Се будев во 3 наутро со огромна желба за храна и јадев што ќе најдев во фрижидерот.

На крај сопругата стави катанец на фрижидерот. Секој месец се здебелував по шест килограми“.

Британката Вивиен Џој, пак, има друго искуство.

Таа вели дека додека користела инјекции за слабеење, решила да си ги промени и навиките. Па, откако прекинала, не им се вратил на старите навики и сега лесно ја контролира тежината.

Вивиен почнала да користи Mounjaro во февруари минатата година, а престанала во октомври. Во овој период ослабела 30 килограми.

„Слушав дека е невозможно да се одржи тежината без лекот, но не сакав да верувам во тоа. За са докажам, целосно престанав да го користам.

Сакав на себе да си покажам дека си ги променив навиките. Па, лесно ја одржувам тежината. Дури и за Божиќ, се здебелив само половина килограм.

Мислам дека успеав бидејќи не го користев лекот за да се ’изгладнувам‘. Наместо тоа, го искористив како алатка за да ги променам моите навики за јадење.

Слушам луѓе кои кажуваат дека го ’изеле целиот фрижидер‘ откако престанале со лекот. Ова се случува бидејќи имаат проблемот со емоционално прејадување.

Јас сум доказ дека ако го искористите лекот за да си ги промените навиките, нема да бидете само дел од статистиката“.

Спирова С. | Црнобело