10 чести прашања со фасцинантни одговори

Повеќето од нас се прашуваме за нештата за кои речиси никогаш не добиваме точен одговор. Причината не е бидејќи недостасуваат објаснувања, туку тоа што прашањата се толку чести, што не поттикнуваат истражување. Сепак, обичните загатки неретко имаат фасцинантни одговори.

Во продолжение погледнете ги 10-те прашања што сигурно си ги имате поставено и прочитајте ги нивните неверојатни одговори:

Дали биковите навистина ја мразат црвената боја?

Во 2017 година, од Discovery Channel го тестираа овој факт. Екипата на Mythbusters се обидуваше да иритира бик со три разни тестови. Во првиот тест истражувачите поставија три знамиња во близина на бикот. Имаше само едно црвено знаме и животното тргна по него. Но, бикот тргна со иста жестокост и кон другите две знамиња со сина и бела боја.

За вториот тест беа поставени три кукли во рингот. Уште еднаш, куклите имаа сина, црвена и бела боја. Бикот повторно тргна кон сите, но прво ги нападна белата и сината кукла.

Во последниот експеримент, бикот целосно го игнорираше мажот со црвена облека кој стоеше мирно, а тргна по мажите кои носеа бело и сино и се движеа.

Ова покажува дека бикот не ја гледа црвената боја. Она што го прави гневен е движењето.

Зошто ни пукаат зглобовите?

Пукањето на зглобовите е честа појава. Кога зглобовите се одделуваат, ова предизвикува гасни меурчиња во течноста помеѓу зглобовите. Овој феномен бил прв пат сериозно истражен во 1947-ма година, а научниците имале поделени мислења.

Во 2015-та година се покажа дека формирањето на меурите е она што го предизвикува пукањето.

Друго често прашање во врска со оваа појава е дали пукањето на зглобовите предизвикува артритис. Одговорот е „Не“ и е потврден од неколку истражувања.

Зошто луѓето добиваат статички шокови?

Повеќето луѓе знаат како изгледаат статичките шокови, односно „да ве фати струја“. Овие шокови најчесто се добиваат од кваки и други метални предмети, а можат да се формираат и помеѓу двајца луѓе. Покрај тоа, изгледа како зимата да е сезона на шокови бидејќи се зголемува можноста да ве фати струја.

Основата на оваа безопасна појава е статичкиот електрицитет. Овој полнеж се насобира на површините како што е тепихот. Кога личноста ќе помине низ просторијата со тепих, таа го апсорбира електрицитетот. Односно, собира милиони екстра електрони. Кога личноста ќе допре нешто спроводливо, електроните се ослободуваат во предметот со чувство на шок.

Во текот на летото, атмосферската влага служи како спроводник. Водата ги насочува електроните настрана од телото, па не можете да ги почувствувате. Бидејќи влажноста на воздухот се намалува во зима, статичките шокови стануваат почести.

Зошто некои луѓе привлекуваат повеќе комарци?

Секој познава барем една личност што е магнет за комарци, а научниците знаат дека ова не е измислен проблем.

Интересно е што крвната група и пигментот на кожата немаат ништо со изборот на комарците. Наместо тоа, тие се привлечени од нешто што живее на човечката кожа. Луѓето не се само храна за комарците, туку тие нудат и совршено опкружување за милиони габи и бактерии.

Секоја микропопулација емитува органски соединенија. За комарците, некои од овие комбинации се навистина атрактивни. Она што истражувачите уште не знаат е зошто комарците преферираат еден мирис за разлика од друг.

Дали Маите ги жртвувале губитниците во спортот?

Маите и други култури во Месопотамија играле иста игра со топка. Топката била направена од гума и во играта учествувале два тима. Повеќето правила се откриени од артефакти, уметнички дела и историски записи. Целта била топката да остане што е можно подолго во воздух, а играчите не смееле да ја допираат со дланки или стапала.

Веројатно го имате слушнато верувањето дека секоја игра завршувала со жртвување на тимот, најчесто оној што изгубил. Сепак, истражувачите веруваат дека играчите не биле жртвувани.

Продолжува на следната страница...