Како да убедите некој да ви направи услуга и уште 8 корисни психолошки трикови, низ илустрации

Кимање со главата

Кога некој ви зборува нешто, обидете се почесто да кимате со главата. На овој начин ќе му дадете знак на соговорникот дека внимателно го слушате, па тој ќе има подобро мислење за вас.

Истовремено, ако сакате да добиете потврден одговор на некое прашање, суптилно кимајте со главата додека го поставувате.

Кога е најдобриот момент да побарате нешто од некого?

Ако сакате да добиете услуга или дозвола од некој за нешто, „начекајте“ ја личноста кога е уморна. Обично уморните луѓе не сакаат да се расправаат, па поголема е веројатноста да добиете потврден одговор. Сепак, ова не значи дека баш секогаш ќе има позитивен исход, но вреди да се проба.

Правило од 5 минути

Уште еден трик за мотивација – ако ви е тешко да се убедите да направите нешто, запрашајте се дали таа задача ќе ви одземе повеќе од 5 минути.

Без разлика колку ве мрзи во моментот, кога ќе сфатите дека ќе ја завршите обврската за помалку од 5 минути, сигурно ќе станете од креветот.

Доброто расположение е „заразно“

Ако сакате вашите најблиски да се чувствуваат удобно и среќно во ваше друштво, обидете се секојпат кога сте со нив да бидете расположени.

Кога ќе го правите ова постојано, тие потсвесно ќе го поврзуваат доброто расположение со вас и повеќе ќе им годи вашето друштво. Ова не значи да глумите, но натерајте се да бидете попозитивни.

Спирова С. | Црнобело