Две сестри блогерки го освојуваат светот - нивни креации носеле Кендал Џенер и семејството Хадид

Светски блогерки и девојки од акција: Сестрите Алис и Оливија навистина го знаат правиот начин за освојување на широкиот, моден пазар.

Со екстремно успешен бренд за облека, моден изглед и сето тоа пропратено со прекрасни патувања низ светот, можеме да заклучиме зошто следбениците на овие успешни сестри растат од минута во минута.

Всушност, Алис и Оливија се две сестри од Лондон кои се занимаваат со блогерство, заедно водат моден бренд и заедно живеат. Својот моден бренд наречен Amelia Jane London го започнале во 2014 година и од самиот старт ги послужила голема среќа.

Омилен аспект на брендот им е да работата со разни светски блогери, а бидејќи луѓето често ги прашувале што е „ин“ во светот на модата, решиле да основаат и свој блог со цел паралелно да работат заедно со брендот.

„За да им дадеме на луѓето увид во нашите модни животи, започнавме често складно да се облекуваме за модните настани и да ја фотографираме нашата облека, без разлика дали станува збор за наш или некој друг светски бренд. Како природна прогресија ни претстоеше да започнеме нешто наше, заедничко. Апсолутно го сакаме и досега ни оди толку добро, што во денешно време се чини дека навистина има смисла луѓето да имаат неколку различни бизниси/приходи, а овие два дефинитивно добро функционираат еден со друг“.

Нивниот бренд го носеле Кендал Џенер и семејството Хадид, а двете сестри со својот млад ентузијазам не запираат да го освојуваат светскиот, моден свет.

Во продолжение повеќе фотки од модните комбинации на двете сестри-блогерки:

Мила М. | Црнобело