5 трикови со кои нé тераат да трошиме повеќе пари на аеродромите

Од осветлување до фонтови и архитектура, ништо не е случајно на аеродромите. Дизајнирани се да влијаат на однесувањето и расположението на патниците.

Важно е патниците да се опуштат, безбедно и навреме да стигнат до излезот, и по можност, да купат колку што е можно повеќе работи.

Ова се 5 трикови со кои нé тераат да трошиме повеќе пари на аеродромите:

Поглед на писта

Тајната на добриот аеродром е во едноставното движење по ходниците, за патниците да не талкаат и доцнат. Доколку ја видат пистата, полесно ќе се снајдат, па затоа големите стаклени sидови се многу чест дел од аеродромската архитектура.

Новите аеродроми имаат поглед на пистата и авионот веднаш по безбедносниот преглед, а на некои места и претходно.

Еднакви натписи

Натписите што укажуваат на излезот се скоро во сите случаи напишани во еден од трите фонтови: Helvetica, Frutiger и Clearview. Совршено се видливи од далеку, за разлика од тенките и не толку читливите фонтови.

Знаците се дизајнирани да бидат видливи од далечена од 35 метри. Експертите велат дека јасните натписи влијаат врз чувството на сигурноста.

Доволно сонце

Новите аеродроми имаат што повеќе прозорци и стаклени површини, дури и во продавниците. Ова се должи на фактот дека патниците избегнуваат темни места, а продавниците се секогаш најмногу осветлени.

Се гледаме кај скулптурата?

Големите скулптури на аеродромите се најдобриот лек за стерилното опкружување на бетон, стакло и челик. Но уметничките дела не заземаат простор само за да ги разубават ентериерите. Архитектите ги вклучиле во просторот за да им го олеснат патувањето на патниците.

Огромните скулптури се одлични за ориентација, место за наоѓање со сопатниците, но и украс што ги поттикнува луѓето да се чувствуваат удобно и да трошат повеќе пари во продавниците.

Добредојдовте, роботи!

Еден час повеќе на аеродромот значи околу 600 денари повеќе заработка по човек, велат аналитичарите. Поради ова е сè што може да биде автоматизирано. Најнапредните аеродроми сè почесто го менуваат персоналот со роботи.

Според едно истражување, на секои 10 минути што патникот ќе ги потроши на проверката на торбите, ќе потроши 30 проценти помалку во продавницата, поради што се работи на интензивно забрзување на проверката на багажот.

Ашера | Црнобело