3 едноставни вежби за лимфна дренажа

Вежбите за лимфна дренажа можат да помогнат во намалување на отоците кои настануваат поради блокада на лимфниот систем. Но, пред да ги пробате, задолжително консултирајте се со лекар.

Лимфната дренажа претставува намалување на отоците кои настануваат при блокада на лимфниот систем.

Постојат масажи за лимфна дренажа, како и вежби кои можат да имаат сличен ефект.

Пред самите да пробате што било, важно е прво да се консултирате со лекар.

Бидејќи, доколку имате сериозен здравствен проблем кој предизвикува блокада на лимфниот систем, важно е да ја добиете соодветната терапија.

Во продолжение три вежби за лимфна дренажа:

Прва вежба

Легнете на рамна површина и прекрстете ги рацете на градите. Прстите од левата дланка треба да ви ја допираат левата клучна коска, и обратно.

Подигајте ги рацете без да ги движите дланките, така што ќе создадете притисок на клучните коски.

Издишувајте додека ги кревате рацете, а вдишувајте додека ги спуштате.

Направете 15-20 повторувања.

Втора вежба

Застанете исправено, со рацете поставени покрај телото. Стапалата треба да ви бидат паралелни едно на друго.

Застанете на прсти, па спуштете се и застанете на петите.

Вдишувајте кога застанувате на прсти, а издишувајте кога застанувате на пети.

Направете 20 повторувања.

Трета вежба

Седнете на рамна површина, свиткајте ги колената и спојте ги стапалата на долниот дел. Поставете ги дланките на колената и нежно притиснете ги надоле.

Не треба да чувствувате болка во делот на препоните, туку истегнување.

Со брзи и нежни движења, спуштајте ги колената надоле.

Направете 30 повторувања.

Спирова С. | Црнобело