Работи што треба да ги знаете за хемороидите, а за кои се срамите да прашате

Помалите хемороиди поминуваат сами од себе за неколку дена, а можат да се јават поради долго седење на тоалетната школка (обично со телефон, кога ќе се „заборавиме“од скролање).

Хемороидите се мошне честа појава и кај мажите и кај жените, но на повеќето им е непријатно да зборуваат за нив.

Но, хемороидите можат да бидат навистина непријатни и важно е да не ги криете, барем од вашиот лекар.

10 работи што би требало да ги знаете за оваа појава:

Што се хемороиди?

Наједноставно кажано, хемороидите се потечени вени во областа на анусот.

Кога одите во тоалет, овие потечени вени се иритираат, па затоа може да се јави болка, а некогаш и крвавење.

Што се внатрешни хемороиди?

Внатрешните хемороиди се наоѓаат во аналниот отвор и не се гледаат однадвор.

Тие можат да предизвикаат крвавење, но речиси и да не се чувствуваат бидејќи во овој дел од телото нема многу рецептори за болка.

Што се надворешни хемороиди?

Како што кажува името, надворешните хемороиди се јавуваат надвор од аналниот отвор.

Ова се хемороидите кои предизвикуваат посилна болка, а исто како внатрешните, можат и да крвават.

Надворешните хемороиди се видливи.

Зошто се појавуваат хемороидите?

Вените во областа на аналниот отвор можат да потечат кога се под притисок.

Оттука, најчестите причини за хемороиди се:

• Напрегање за време на одење во тоалет
• Долго седење на тоалетната школка
• Хронична дијареја или констипација
• Дебелина
• Бременост
• Анален секс
• Лоша исхрана (консумирање малку хранливи влакна)
• Често кревање тешки предмети

Кои се симптомите?

Како што спомнавме погоре, внатрешните хемороиди обично не предизвикуваат болка, па можно е и да не ги забележите.

Сепак, може да се јави непријатност или мала болка кога одите во тоалет.

Надворешните хемороиди, од друга страна, предизвикуваат поизразени симптоми:

• Чешање или иритација во областа на анусот
• Болка
• Отоци во областа на анусот
• Крвавење

Продолжува на следната страница...