6 знаци дека можеби имате интолеранција на лактоза

Подуеноста и гасовите се едни од почестите симптоми што ги чувствуваат луѓето со интолеранција на лактоза. Важно е да знаете дека ова не претставува алергија и симптомите може да се контролираат со умерен внес на млечни продукти.

Интолеранцијата на лактоза се јавува кај луѓе кои ги немаат потребните ензими за разградување на лактозата.

Важно е да се нагласи дека ова не е алергија на млеко и млечни производи и не претставува опасност ако консумирате млечни продукти.

Повеќето луѓе со интолеранција на лактоза сепак можат да консумираат млечни производи во помало количество.

Покрај тоа, денес се достапни и бројни млечни продукти без лактоза.

Ако чувствувате дел од симптомите, не мора да значи дека и вие имате интолеранција и за да добиете соодветна дијагноза, секогаш треба да се консултирате со лекар.

Шест симптоми кои се можен знак за интолеранција на лактоза:

Главоболка и замор

Ова е мошне редок симптом и обично се јавува кај луѓе кои имаат и други проблеми со здравјето.

Сами по себе, ова не се симптоми на интолеранција, но ако чувствувате и други проблеми, консултирајте се со лекар.

Гасови

Бидејќи организмот не може добро да ја дигестира лактозата, може да се јават и гасови.

Подуеност

Главно симптомите на интолеранција на лактоза се локализирани во дигестивниот систем.

Ако чувствувате подуеност секојпат кога јадете млечни производи, особено во поголемо количество, можеби имате интолеранција на лактоза.

Болки во мускулите

Уште еден поредок симптом, но за кој е добро да бидете свесни.

Претераното консумирање млечни продукти некогаш може да биде поврзано и со болка во мускулите ако имате интолеранција на лактоза.

Болка и грчеви во стомакот

Ова е еден од почестите симптоми кај луѓето со нетолеранција.

Обично се јавува неколку часа откако ќе изедете поголем количество млечни продукти.

Дијареја или констипација

Ако сте нетолерантни на лактоза и претерате со млечни продукти, можно е да се јави дијареја.

Кај некои луѓе, се јавува и констипација.

Спирова С. | Црнобело