Објавете му војна на целулитот

Дебелината не е секогаш причинител за појава на целулит - многу луѓе со поголема тежина немаат целулит, а многу слаби пак го имаат. Сепак, вишокот...

 

...наслаги - поготово околу бедрата и на задникот - го прават целулитот видлив. Затоа намалете ја телесната тежина и ограничете го внесувањето на масна храна.

Масната процесирана храна, како што се колбасите, сирењето, кексите и колачите, се посебно лоши. Често се преполни со адитиви, соли или засладувачи кои доведуваат до презаситеност на телото со токсини.

Во борбата против целулитот може да ви помогнат масните риби како лосос и харинга. Масната риба содржи масна киселина која помага на вашето тело, го подобрува метаболизмот и доведува до губење на мастите и целулитот.

Орасните плодови се уште еден одличен избор на масни киселини и полни со влакна. Храната богата со влакна е корисна затоа што помага во исфрлање на токсините.

Истражувањата говорат дека кофеинот може да го влоши проблемот со целулитот заради своето влијание на циркулацијата и доведување кислород и хранливи материи во кожното ткиво. Затоа ограничете го внесувањето на  кафе, чај и кока кола. Нека бидат најмногу две чаши на ден.

Избегнувајте пушење и алкохол затоа што тие го збогатуваат телото со токсини, а алкохолот е и полн со шеќери.

За крај, потполно исфрлете го шеќерот од вашата исхрана. Toj го успорува производството на колаген во кожата па затоа е корисно да го исфрлите од употреба, а со тоа ќе ги намалите борите и целулитот. Добро внимавајте на декларацијата на храната затоа што шеќерот го има речиси секаде - во муслите, разните сосови за тестенини, јогурти.