Нахранете го мозокот

Одржете ја остроумноста преку правилен избор на јадења. Широкиот избор на „мозочна храна“ овозможува вкусно уживање и за најпребирливите...

 

...гурмани кои никогаш повеќе нема да мора да се грижат за насоката во која се движат нивните мисли. Бидете мудри и навалете на здраво јадење.

	Лосос и омега-3 Омега-3 масните киселини што ќе ги најдете во рибите го хранат и штитат мозокот. Овие корисни масти позитивно влијаат на хемиските процеси во мозокот и се особено важни за неговиот развој и основни функции.
	Нерафинирани житарки Мозокот ќе стане на „десна нога“ ако за појадок изедете порција житарки, односно интегрални пецива, нерафинирани оризови или овесни снегулки и слично. Оваа храна има низа добри страни, како на пример заштита на кардиоваскуларниот систем и справување со дијабетисот.
	Калиум Калиумот игра важна улога во заштита на нервната функција, што секако влијае на целокупната работа на мозокот. Оваа корисна состојка ја има во авокадо, банани, киви и кајсии.
	Витамин Б Постојат повеќе видови витамин Б и сите имаат добро влијание на работата на мозокот. Б витамините им помагаат на основните мозочни и нервни функции, а конкретно витаминот Б6 го претвора триптофанот во двигателот на добро расположение, серотонинот. Б витамините ќе ги добиете од нерафинирани житарки, мешункаст зеленчук, млечни производи и риба.
	Витамин Ц Моќниот антиоксидант ќе го избрише чувството на замагленост и умор, особено по обилен оброк. Затоа следниот пат изберете јагоди за десерт.