Не е Лапонија, Скопје е – Иглу сместување среде дивина со поглед на Езерото Козјак (фото)

Детали

среда, 17 април 2024

Спална со кревет под ѕвездите, прво утринско кафе среде дивина, па дури и туширање во бања со бесконечен поглед кон езерото – на Козјак има неверојатно сместување во иглу, кое нуди неповторливо искуство за љубители на природата.

Ако отсекогаш сте посакувале да отпатувате во Финска и да бидете сместени во иглу, од каде ќе уживате во погледот кон ѕвездите и прекрасната Поларна светлина, сега слично искуство може да доживеете и кај нас (без Аурора Бореалис).

Во националниот парк Јасен, во близина на видиковецот Козјак, се наоѓаат Grizzly Igloos, односно 4 приватни иглу сместувања среде дивина, во кои ќе се заљубите на прв поглед.

Иглу куќичките се уредени беспрекорно, со топла атмосфера, а нудат сместување за двајца, со кревет со поглед кон небото и ѕвездите.

Дури и тоалетот има поглед кон Езерото Козјак, а можете да уживате во неповторливо искуство на туширање со пејзаж пред вас или бањање во топла купка на отворено.

Првото кафе ќе го пиете во шума со недогледен поглед и звуци од природата, а ќе ги искусите и магичните зајдисонца додека лежите на мрежеста лулка.

Освен пасивниот одмор со неповторлива глетка, љубителите на природата може да се впуштат и во активности како јавање коњи, кајакарење и планинарење.

Погледнете повеќе фотки од иглу сместувањето кое нуди незаборавно бегство и искуство во природа:

Повеќе фотки на следната страница...