Во викендичката на Иџе на Јабланица: „Внатре доминира каминот, во дворот садам индиски палми“

Инаку, неколку години откако ја купивме куќата, докупивме уште малку дворно место, и тоа токму она каде што се наоѓала куќата во која во минатото живееле моите дедо, прадедо...

Дворот е навистина голем, а јас сум тој што ужива да го уредува.

Ја косам тревата, ги средувам деталите, сакам сè да е убаво, иако, искрено, сè помалку и помалку време имаме со обврските и трките кои ги имам на професионален план.

Во дворот секоја година садиме по нешто ново. Тоа се најчесто дрва кои можат да опстанат на климатските услови таму, бидејќи во зима е и многу студено и има многу снег.

Имаме индиски палми, едни интересни и несекојдневни дрва, со преубави бои, особено во есен.

Тогаш листовите се во некоја црвено портокалова боја и даваат магија на целиот тој простор. 

Кога ја купивме куќата насадив и елки, кои се досега многу пораснати.

Уживам и многу се радувам кога нешто што ќе насадам ќе израсне во нешто поголемо, или кога гледам дека издржало и покрај климата.

Мислам дека брдските трки ме имаат привлечено бидејќи сум човек кој ја сака планината.

Ќе признам дека кога бев дете, на некои 10-12 години, скришно го земав возилото од татко ми и возев низ селото.

Тоа е место каде што нема фреквенција на возила, па секојдневно возев по малку, тренирав.

Затоа ми е и голема желба барем еднаш да поминам со тркачкото возило низ тие патеки, чисто рекреативно, за да се вратам на моите почетоци, но и за промоција на тој дел од Македонија.

Не можам да одвојам кога ми е поубаво, дали на лето или на зима, подеднакво уживам во престојот таму бидејќи има неверојатна енергија.

Но, за крај можам само да кажам дека викендичката и целиот тој предел за мене имаат некоја посебна енергија, бидејќи корените ми се токму оттука“.

Погледнете повеќе фотографии од викендичката и селото Горна Белица:

Продолжува на следната страница...