Во празнично украсениот дом на Ксенија Деспотоска: „Доминира кафеавата боја, но ми фали малку црвено“

Детали

сабота, 13 декември 2025

„Оваа година ни е прва откако се средивме дома, така што ни е и прво украсување, првпат со бебе. Некако уште повеќе се радував на сета оваа празнична еуфорија и ми почна многу побрзо, баш поради тоа“, вели модната инфлуенсерка, која ги отвори вратите на празничноукрасениот дом за CRNOBELO.com.

Модната инфлуенсерка Ксенија Деспотоска со многу љубов уште на крајот на ноември почна со празничното китење на домот - од украси во дневната соба, до елката во кафеава нијанса.

Во уредувањето имала и мала „помош“ од нејзината ќерка Надја, која веќе има девет месеци.

Ксенија е среќна, што барем за сега, ќеркичката е многу внимателна кога лази и си игра околу елката и не ја турка или влече.

„Многу се плашев како ќе реагира и да не треба да ја собираме, ха, ха“, се шегува Ксенија.

За празничното уредување на нејзиниот дом, таа ни раскажа во разговорот за CRNOBELO.com:

„Оваа година ни е прва откако се средивме, така што ни е и прво украсување, првпат со бебе.

Некако уште повеќе се радував на сета оваа празнична еуфорија и многу побрзо ми почна, баш поради тоа.

Освен елката си имам накитено и некои детали низ дневната соба.

Малку на комодата, каде идејата ми беше да изгледа како шума со многу елки и да е зелено.

Па еден венец на големото огледало.

Малку топлина со ламбички си додадов во кујната и некои детали како чаши, машнички и слично.

Сè ми е купено оваа година.

Лани имавме елка од кутии со бела техника, ха, ха.

Боја која сакав да ми доминира и да ми биде главна е кафената, па гледав сè да е во таа боја, но искрено некако ми фали црвено, па за в година ќе додадеме и црвени детали сигурно, сега нека си стои вака.

Оваа година ја украсивме само дневната, мислам дека е доволно, а за следна година ќе се потрудам и за останатите делови.

Омилен украс немам, сè ми е целокупно омилено.

Продолжува на следната страница...