На гости кај Ана Најдовска: Стан на Македонка во Осло, уреден во скандинавски стил со хиге елементи (фото)

Спалната соба ја обожавам бидејќи е идеална за оние мрачни, сиви, врнежливи денови во Осло.

Во тие моменти многу ни е важно да имаме наше катче кое дава чувство на топлина, мир и тишина.

За секое годишно време имам комплет сет прекривки за кревет со големи перници во различни бои, па така сега полека ја спремам пролетната атмосфера во спалната и дневната просторија со додавање на розови, крем и песок боја декоративни парчиња.

Уживам да го местам креветот, од најголема до најмала декоративна перница и тоа ми дава едно чувство на завршена цел, барем една во денот, кога знам дека креветот уште рано наутро ми е скоцкан, што би рекол сопругот „на хотелски начин“.

Спалната е поврзана со гардеробер соба, која е малечка, но сосема практично осмислена.

Да се има голем балкон во Норвешка е сон, иако во поголемиот дел од годината времето не е за уживање на балкон, сепак во Норвешка нема да видите балкон без сет гарнитура за седење.

Така и нашиот, уште во зима е спремен за уживање. Со преудобни столчиња, перничиња и секако декорации како фенерчиња, свеќи, цвеќе.

Кога ќе го погледнам балконот веднаш си замислувам летно попладне со чаша вино. Или уживање со кафе во недела наутро.“

Повеќе фотографии од домот на Ана на следната страна...