11 карактеристики по кои домовите на Италијанците се разликуваат од останатите домови во светот

Фрески на ѕидовите, осветлување на неколку нивоа, керамички чинии кои се пренесуваат од колено на колено - што ги прави домовите на Италијанците уникатни?

Кога станува збор за уредувањето на домот, еден од најпопуларните стилови во светот е шведскиот минимализам.

Но, постојат луѓе кои не уживаат во полупразниот простор со основни бои, туку преферираат детали, микс од стилови, необичен мебел.

А токму таков е италијанскиот стил за уредување ентериери. Тој не опфаќа само свеќи на масите и црвено-бели чаршави како во рестораните со долга традиција, туку е многу повеќе од тоа.

Ова се 11 работи кои се карактеристични за домовите на луѓето во Италија, а некои од нив може ќе ве инспирираат и вас при уредувањето на вашиот дом.

По што се разликуваат италијанските домови од оние од остатокот од светот?

Неутрални бои на ѕидовите (кога не сакаат да се бели)

Години наназад луѓето се решаваат да бојосаат еден ѕид (или една соба) во домот во силна боја - црвена, зелена, црна.

Но, кога Италијанците не сакаат домот да им е во бела боја, избираат неутрални нијанси - беж, светло сива, дури и нијанса на банана.

Тајната е во тоа што поради овие неутрални бои, тие можат лесно да ги комбинираат боите на мебелот и деталите во просторијата да стават парчиња во неколку различни нијанси кои одлично ќе се вклопат едни со други.

Микс од класично и модерно

Понекогаш, кога ќе влезете во некои италијански дом, ќе сфатите дека „едно не оди со друго“ односно дека се застапени и класични парчиња и антиквитети, но и модерни елементи, кои немаат никаков спој.

А сепак, токму тоа е она што го карактеризира италијанскиот стил на уредување домови.

Фрески на ѕидовите

Тука не станува збор за икони или уметнички дела, туку за ѕидови на кои се исцртани копии од славните ренесансни уметнички дела.

Овие фрески може да го покриваат и цел ѕид, а не само негов дел.

Необична форма на мебелот

Овие уникатни парчиња ги комбинираат совршено.

На пример, во некој агол ставаат украсна масичка покрај фотелја со необични линии и овој дел од просторот го претвораат во омилено катче за уживање.

Но, важно е да знаете дека не е целиот мебел во нивните домови со необична форма - само некои парчиња кои ги комбинираат едно со друго.

Керамички плочки во собите

Во најголемиот број станови во светот, керамичките плочки се ставаат во тоалетот или во еден дел од кујната.

Но кај Италијанците нив ќе ги видите буквално во секоја просторија.

Уште 6 на следната страница...