Храна која речиси сите ја складираат неправилно

Речиси сите се научени да ги чуваат овошјето, зеленчукот и многу други намирници во фрижидер, но дали знаете дека многу намирници не ги чувате соодветно?

Со тоа што ќе ги складирате правилно може да им го продолжите рокот на траење, а со тоа што ги чувате несоодветно, го намалувате.

Како треба да чувате одредени намирници и каде да ги складирате?

Намирници кои треба да ги чувате во шкафче, подалеку од сончева светлина:

Леб – најдобро е да го чувате во специјална кутија за леб за да избегнете мувлосување и уништување, но не го оставајте во кесата во која сте го купиле.

Чоколадо – се чува на ладно и темно место, не го ставајте во фрижидер, разликата во температурата може да создаде кондензирана вода на површината.

Мед – иако нема одреден рок на траење, сепак треба да се чува соодветно , на ладно и темно место, а не во фрижидер, бидејќи се уништуваат корисните состојки.

Маслиново масло – се чува на собна температура, далеку од сончева светлина, никако во фрижидер.

Кромид и лук – иако стојат свежи долго време, најдобро е да се чуваат на суво и ладно место, пример во мала кутија во шкафче.

Намирници кои може да се чуваат на полица или маса во кујна:

Цитрусно овошје – може да се чуваат на работната маса, нема потреба од фрижидер и ниски температури

Авокадо – ако уште не е зрело, нема потреба да го ставате во фрижидер и да го оддолжувате процесот, чувајте го на отворено на работна маса додека созрее

Краставици – може да се чуваат во фрижидер само неколку дена, бидејќи ниската температура прави побрзо да скапат, а ако сакате да остане свеж зеленчукот, оставете го надвор

Домати – во фрижидер побрзо го губат природниот вкус, а заради ладната температура побрзо ќе скапат – чувајте ги на собна температури

Намирници кои се чуваат во фрижидер:

Јајца – треба да се чуваат во фрижидер но не на вратата заради разликите во температурата при секое отворање, што може да им го намали рокот на траење

Брашно – висока влажност и температура може да доведат до појава на мувла и

Јаткасти плодови – иако многумина ги чуваат на собна температура, оревот и бадемите по 2 недели може да се расипат, односно, да им се намали квалитетот по стоење на топло – заштитете ги од влажност, висока температура и сончева светлина

Целер – додека магдоносот може да се чува надвор, целерот треба да се чува во фрижидер, но не го затворајте во пластична фолија за да не скапе

М. М. | Црнобело