Најчестите грешки при готвење со Air Fryer (со кои го уништувате апаратот)

Апаратот нема доволно проток на воздух, внатре ставате влажна храна и не го чистите темелно по секоја употреба – кои се грешките со кои му го скратувате животот на вашиот Air Fryer?

Апаратите за готвење на топол воздух, попознати како Air Fryer, брзо се прославија ширум целиот свет.

Значително го олеснуваат готвењето, не зафаќаат многу место, лесни за чистење, а и можат да се најдат по релативно ниска цена.

Но, и покрај тоа што се можеби најпопуларниот уред за готвење, многумина прават некои грешки кога ги користат.

Со кои грешки му го скратувате животот на вашиот Air Fryer?

Го користите на несоодветно место

На овој уред му е потребен проток на воздух за да функционира оптимално.

Во зависност од големината и моделот, потребно е околу апаратот да има доволно простор за циркулација на воздухот.

Проверете го упатството за тоа каде е најдобро да го поставите пред да го користите.

Ставате многу лесна храна

Овој апарат готви со тоа што го циркулира воздухот внатре. Што значи, ако ставите многу лесна храна, како спанаќ, таа ќе изгори многу брзо.

Не го чистите по секоја употреба

Како и секој сад или апарат за храна, и апаратот за готвење на топол воздух мора да се чисти по секоја употреба.

Дури и ако ви се чини дека не сте го извалкале, секојпат чистете го бидејќи внатре можат да останат мали честички храна кои, пак, го зголемуваат ризикот од развој на бактерии.

Ставате многу влажна храна

За храната да биде крцкава и добро зготвена, мора да биде сува.

Ова значи дека треба да избегнувате внатре да ставате влажен зеленчук, влажно месо и слично.

Секогаш прво исушете ја храната.

Продолжува на следната страница...