Маја Кикириткова кампуваше во шатор над автомобил во Љубаништа: „Се мести за 3 минути, внатре може да спијат 6 лица“

Дали готвиш додека сте на кампување? Какви оброци подготвуваш најчесто?

Јас обожавам да готвам. Затоа воопшто не ми претставува проблем и на камп да готвам. Готви и Александар.

Во кампот многу е битна тимската работа, затоа и децата постојано ги вклучуваме во некои активности, најчесто миење садови.

Јадеме исто што и дома. А знаеме и во ресторанот да седнеме.

Дали е, лично за тебе, кампувањето подобар одмор од престојот во хотел или апартман?

Слободата која ја нуди кампот, не ја нуди ниеден луксузен хотел. Некој ќе каже, сакам да одам на одмор и да уживам, друг да ми готви.

Јас ќе кажам, сакам да одам на одмор и децата да бидат слободни, постојано надвор, да нема тензии кога треба да се оди на ручек или на плажа. За мене тоа е одмор, а не некој друг да ми готви.

Не дека нема да одиме во хотели и нема да патуваме, ама тоа ќе го оставиме за други дестинации. Кампувањето е зараза, еднаш ако пробаш, нема откажување.

Како изгледа кампувањето со деца? Кои се позитивните, а кои се негативните страни, според твоето искуство?

Камп е идеално за мали деца. Огромна слобода, постојано надвор, нови познанства, сѐ што е потребно на нив.

Јадат каде стигнат, кај нас доаѓаат деца додека ние јадеме. Јас ќе кажам - како ќе се програмираш, така ќе ти биде.

Ако си викам дека ми е проблем секое одење до тоалет, бидејќи не ми е на 2 метри, реално и ќе ми биде.

Сте имале ли некои непријатни ситуации?

Сега за сега не, но сигурно ќе има.

Има ли дружење во камповите, нови познанства, луѓе со кои комуницирате и по одморот?

Познанствата од минатата година, останаа и за годинава.

Повеќе фотографии од камперскиот одмор на Маја Кикириткова:

Продолжува на следната страница...