Ивана Кушлич: „Швајцарските Алпи се храна за душата, а кафе во Цирих е 320 денари“

Водопади, езера, шуми … Што ти остави најсилен впечаток?

Тиркизните нереални езера и волшебните сценерични водопади дефинитивно.

Какви се цените во Швајцарија?

Зависи во кој дел … На пример во поголемите градови, како Цирих, Женева, Берн цената на кафе се движи околу 5.5 франка, што е околу 320 денари.

Дали е вистина она „Точен си како Швајцарец“?

Да точно е, буквално за сè. Тие се секогаш на време кога имаат состаноци или слично. Секогаш се 5 до 10 минути порано и ако некој доцни 5 минути тоа за нив е веќе навредливо.

Во однос на железничкиот и автобускиот сообраќај тие се до минута секогаш точни.

Најдобра карактеристика на Швајцарците е …

Тоа што во секоја ситуација користат логика.

Најлоша карактеристика на Швајцарците е …

Интровертноста.

Најголемата авантура во оваа држава …

Кога ме фати дожд на 2.190 метри надморска височина, бев буквално во кал до гуша, а за да биде уште поинтересно патеката ми беше блокирана од дваесетина крави коишто имаа новороденчиња и никако не беше возможно во тој момент да ги заобиколам бидејќи патеката беше многу тесна.

Конечно после триесетина минути на дождот некако низ калта успеавме да се разминеме, но како тоа да ми беше малку од универзумот веднаш после разминувањето, се лизнав и паднав во измет од крави. Наместо да се спуштам долу за 2 часа, јас се спуштив за 4.

Имаат ли предрасуди локалците кон тебе како дојденец?

Апсолутно НЕ.

Што од Швајцарија би донела во Македонија?

Па мислам дека веќе го знаете одговорот, секако дека чоколадо, сирење и кашкавал.

Што од Македонија би однела во Швајцарија?

Ајвар и сарма.

Уште фотки од Швајцарија:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело