Бобан Илиоски, светски шампион во кикбокс за CRNOBELO: „Жртвував многу за да стигнам до титулата“

Често објавуваш видеа на Инстаграм Стори со твојот миленик... Која раса е кучето, тешко ли е да се чува?

Имам едно куче од расата доберман, се вика Пако.

Со него се опуштам по напорните тренинзи, а понекогаш кондициските тренинзи на Водно и кеј ги правиме заедно.

Имаш ли хоби, некоја тајна љубов за која знаат само најблиските?

Кикбоксот ми е на прво место.

Но, исто така сакам да се дружам со другарите, да поминувам време во природа.

Сакам снег, ладно време и скијање.

Сестра ти Андријана е една од најуспешните македонски модели во светот во моментов. Колку сте блиски? Ти фали ли, имајќи предвид дека одамна е во Азија?

Горд сум на неа, среќен и благодарен на Господ што имам таква сестра.

Таа ми е најголема поддршка.

Подолго време живее во Кина и Италија, но тоа е жртвата во нејзината професија - да биде одделена од фамилијата.

Но, јас сум тука да ја поддржам без глед на сè.

Тоа е работа што ја сака уште од мала, тоа ја прави среќна.

И затоа нема препрека во нашите глави - работиме напорно и уживаме во процесот.

Кој е следниот предизвик по светската титула? Ова сигурно не е крај на твоите желби и соништа...

Следен предизвик е борба за професионален Вако светски појас, кој на мое огромно задоволство ќе се одржи во Скопје.

Тоа ќе биде спектакал каков досега немало во нашата држава.

Очекуваме голем број присутни, а ние ќе ја покажеме убавината на кикбоксот и воедно ќе почнеме нова ера во овој спорт.

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело